جحي 125G
0.0 (0 تقييمات)
58.00 ر.س
مزيج نكهات فريد
شوكولاته
ليمون
نعناع
بطيخ
جحّة الصيف صارت قهوة. محصول كولومبي من سلالة كاستيو، تخمّر مع البطيخ الطازج فطلع كوب منعش بتقييم 88، يبدأ ببطيخ ونعناع وليمون وينتهي بقاع شوكولاته يوازن الانتعاش كله. اخترناه ليكون سلاحك الرسمي ضد حر الصيف، بارد كان أو حار.
عن "جحي".. أول جحّة تنشرب
في محمصة أناناس، لما وصلنا هذا المحصول وكوّبناه، النكهة كانت واضحة من أول شمّة: بطيخ. وهنا وقفنا عند سؤال التسمية. كان ممكن نسميه "بطيخة" وينتهي الموضوع، بس حسينا إن فيه كلمة أصدق، كلمة نسمعها من عيال الفريج لما يبردون الجح بالثلاجة قبل العصرية: جحي.
وش سالفة "جحي"؟
المحصول من كولومبيا، سلالة "كاستيو"، ومر بمعالجة خاصة: تخمير بالبطيخ. حبات البن تخمرت مع البطيخ الطازج، فتشرّبت حلاوته وانتعاشه قبل التحميص. النتيجة كوب بتقييم 88، بنكهات بطيخ ونعناع وليمون، وحموضة 6.25 من 10 منعشة بدون ما تكون حادة. والمفاجأة اللي ما تتوقعها؟ قاع شوكولاته يظهر بآخر الرشفة ويوازن كل هالانتعاش.
ليش نزلناه بالصيف؟
لأن البطيخ عندنا مو فاكهة، البطيخ موقف. هو أول شي ينحط بالثلاجة إذا قربت القايلة، وآخر شي ينقطع من جلسة العصر بالحوش. أجدادنا عرفوا قبل أي دراسة إن ما فيه سلاح ضد حر الصيف أقوى من جحّة باردة. حنا بس أخذنا هالحكمة وحطيناها بكوب قهوة.
ليش مجتمع أناناس بيحبها؟
لأنها اتولدت عشان تنشرب باردة. جرّبها آيس V60 وشوف كيف النعناع والليمون يفتحون مع الثلج، أو سوّها كولد برو من الليل وخذها معك الصبح، بتحس إنك شاريها من عربية عصيرات مو محمصة. ولعشاق الإسبريسو، الشوكولاته بالقاع تعطي شوت متزن، ولو انسكب على تونيك بارد صار مشروب صيفك الرسمي.
نبي نسمع منك
جرّب "جحي" وجاوبنا: كيف تبرد جحّتك؟ آيس V60، كولد برو، ولا إسبريسو تونيك؟ صوّر كوبك بمنشن وشاركنا تحضيرك. ولا تنسى تعلمنا: وش أول ذكرى جتك مع كلمة "جح"؟ لأن القهوة أحلى.. لما تجيب معها سوالف الصيف كله 🤝🍉
الأسئلة الشائعة
نقدم لك إجابات شاملة على أكثر الاستفسارات شيوعًا لمساعدتك على اختيار المنتج المناسب وتجربة استخدام سلسة
